الأربعاء، ١٤ نوفمبر ٢٠٠٧

أحاسيس ونبضات ..



انا انهاردة هاكتب بالعامية

هاكتب احاسيس مش متزوقة احاسيس كلنا بنحسها وبنعيشها

واللي معشهاش نفسه يعيشها

ليه سميت العنوان احاسيس ونبضات

لأن كل أحساس من الأحاسيس دي لازم تلاقي معاه نبضات قوية

لما تكبر وسط لمة هي في الحقيقة حضن

أيوة حضن .. مش مصدق

حضن صحبة .. صحبة حلوة .. صحبة صالحة

هم عيلتك هم اهلك هم سندك

لما في يوم تيجي تتعب وتلاقي الف ايد تتمدلك

وتلاقي دفا في قلوبهم

تلاقي امان في وجودهم

لما تصحى الصبح بدري جري تلبس

مشتاق تشوفهم

جري على المدرسة جري على الطابور

بتدور على وشوشهم

ها لقيتهم ايوة اهم هناك اهم .. احلة صحبة .. احلة ضحكة

احلى عمر واحلى سنين واحلى ايام

لما يخلص يوم دراسي وتبقى مروح مشتاق تاني ليوم جديد

خلصت أيام الدراسة

احلى ايام والله احلى حاجة كانت فيها اني عرفتكم

ودخلت جوه قلبكم

وحبكم ده جوه قلبي

ايوة الله جوه قلبي حبــــــكم

فاكرين لما دخلنا الجامعة انا قلتلكم ايه

قلتلكم عمرنا ما هتفرقنا كل واحد فينا في حتة

بس عمرنا ما اتفرقنا

تقريبا كنا بنشوف بعض كل يوم

وعدت سنة وكمان سنة

واحنا لسة بحبنا

وبقلبنا

كانت واحددة صحبتي فهماني طبعا

تعدي علينا كلنا

بيب بيب .. بيب بيب بيب

انزل جري القها ايه يا بنتي

أتأخرتوا

معلش كنا عند عم محمد الترزي

يلا بسرعة هنتأخر على رابعتنا طب يلا جري

لحسن دي بترن

واه بقى لو كنسلنا عليها

نروح نلاقيها في الشارع

كنا نركب كلنا

و

نروح هناك ونروح هنا

فاكرين يوم ما رحنا النيل

هو يوم لا كتيييييييييييييييييييييير

ايام متتنسيش

فاكرين يوم خطوبة واحدة فينا

كنا ازاي مصدومين

معقول كبرنا كلنا

ياه .. كنا لسة امبارح بنلعب هنا وكمان هنا

عدت ايامنا زي الهواء ايام جميلة وممتعة

فجأة لقيناها بتقولنا كتب كتابي يوم الخميس

بتقولي ايه

واوام اوام

بقت واحدة فينا زوجة

ودي كانت البداية

اول مرة واحدة تسيبنا وتطير

يومها كتبت مدونة عنوانها لحظات حرجة

كانت اول مرة نفترق

يمكن يفرقنا المكان

لكن .. كما ننشدها دائما

في القلوب العهد الباقي

واهو انهاردة

واحدة فينا مدرسة في الالماني مهندسة

والتانية اعلامية كبيرة مع جوزها طارت

والتالثة عاملة مهندسة في الكمبيوتر ريسة

والرابعة وقعت مننا اخر سنة ليه السنة دي ادعولها تتخرج

دي احاااااااااسيس مرت قدام عنيا من شوية

لما عديت على صحبتي

في المدرسة اللي بتشتغل فيها

ولقيتها وسط العيال وبيقولولها يا ميس يا ميس

فافتكرت ايامنا الحلوة

ربنا ما يفرقنا

والى اللقاء في خواطر واحاسيس ونبضات 2

هناك ٨ تعليقات:

غير معرف يقول...

أحاسيس رائعة يا فدوى
إن شاء الله ربنا يجمعكم في الخير دائما ويرجع الإعلامية ويوفق المدرسة والريسة و يخرج الواقعة مننا :)
جنة

غير معرف يقول...

احاسيس طالعة من جوه اوي

ربنا يجمعكم من جديد

الصحبة الرائعة ..عمرها ما بضيع مهما فرقتهم الاماكن

ابو صهيب ( الجمعاوي الاصيل)سابقاً يقول...

بالفعل هذه احاسيس واقعية وخارجة من القلب بارك الله فيكي وجمعك مع من تحبين وتتمنين لقائهم
صاحب مدونة ميخا

أمير القلوب يقول...

السلام عليكم ورحمة الله وبركاته
أختي الكريمة
دي مشاعرنا الرقيقة اللي عايشين عليها ولو فقدناها نبقى إنتهينا
ربنا يجمعكم دايما على الخير
تقبلي تحياتي

yomna يقول...

bgd gazakom allaho 5ayran ya fadwa wRBNA yekremk dayman enty fe3lan msh2allah ketabatk betlms olobna gdn.:)

كريم بهي يقول...

ما جمل احاسيسك بجد
رغم انها موجودة عند كل العاطفيين لكن تعبيراتك رائعة
دقة قلبك على نغمة مميزة
فانت صاحب منفرد

تحياتى لك على كل كلماتك
واتمنى لو تزورينى

كريم بهي

كريم بهي يقول...

دقات قلبك ليها صوت مميز
كل مرة بزورك
بحس بانك هنا الحنين والاحساس الرائع
انا مش عاوز اتكلم كتير
ويارب ترجعوا تانى
اصل الكلام ساعات بيوجع

تحياتى
واتمنى زيارتك ليا
كريم بهي

عمرو سلامة يقول...

يااااااه انا نفسى احس بالاحاسيس دى .. بس لسه صغير على الحاجات دى .. يارب لاقيلى بنت الحلال بأه ... ههههههه
ربنا يجمعكم ببعض ويخليكم لبعض ..