السبت، ٥ أبريل ٢٠٠٨

ظاهرة أم موضة أم ايه بالظبط .. ؟؟؟




شوفتي يا بنتي فلانة فسخت خطوبتها ..!!!






بتقولي ايه دول كانوا منسجمين جدا .. ؟؟؟






ايه التهريج ده .. ؟؟؟!!!






مين اللي فسخ .. ؟؟






هو ولا هي .. ؟؟؟






هــــــو






بجد والله .. ؟!!









طبعا لحد هنا ومبكملش الحوار . .






لا أعلم لماذا أصبحت ظاهرة في وسط الملتزمين وغيرهم ظاهرة فسخ الخطوبة من قبل الولد






فعلا ظاهرة تثير تساؤلي وتعجبي منذ فترة ليست بوجيزة






وأكثر من إثارتها لتعجبي فهي تثير حنقي وغضبي






إن كنت شابا تتقدم لخطبة فتاه وحدث القبول وما الى ذلك






وجلستم سويا عدة شهور تتعرفان إلى بعضكما البعض






ثم تأكدتم من مشاعركم






ومن صدق نية الارتباط






وقد اتفقتم على اتمام الخطوبة باحتفال صغير يضم اعضاء العائلتين في منزل العروس






وارتديتم خاتمين دبلتين






وما الى ذلك ..






ثم تظلوا مخطوبين فترة لا بأس بها






قد تتعدى أحيانا العام






ثم بعد عام ..






يرن الهاتف في منزل العروس






ويكون المتصل والد العريس




ده لو طلعوا زوق واتصل اصلا






معذرة نحن ننهي هذه الخطبة






؟؟؟؟؟؟!!!!






لماذا ؟؟؟؟






هل حدث شيئ . ؟؟؟






لا لم يحدث شيئ مجرد






لا يوجد تفاااااااااااااهم .. !!!؟؟؟






هنا مضطرة اقول وبأعلى صوت






نعم يا اخويا .. ؟؟!!!!






يعني إيه ان شاء الله مفيش تفاهم






قمة الفقع وقمة الخنقة تبات البنت مخطوبة تصبح فاسخة






يعني ايه يعني بعد كل ده عرفت دلوقتي ان مفيش تفاهم






طيب وحق البنت دي فين .. ؟!!






وحبك والكلام اللي كان بيتقال راح فين ( مع الاحتفاظ بالكلام المحدد في الشرع طبعا )






والاهتمام والهدايا والزيارة كل اسبوع






وحضرتك بتعامليني احلى من ماما






وانت اكتر من بابا






ويتعرف على العيلة ويدخل فيها






وفجأة هوبة فين هو هو بيعتذر .. ؟؟!!!




واللي يزود الطينة بلة بقى انه بعد كل الفترة دي ممكن كمان ميتصلش بالأهل ويتصل




بحد يوسطه




يا سلاااااااااااااااام




فين احترام مشاعر البني ادمة دي




فين احترام البيت اللي دخلته




فين احترام الناس اللي ائتمنوك على بنتهم




فين اعتبار الرجولة والشهامة




قد كدة خلاص بقت مشاعر الناس هينة




مستني ايه غير ان البنت ترمي ققلبها في الزبالة بقى




لانه ارتبط بإنسان مقدرش المشاعر دي






هتقولي في حاجات طارئة حقولك






قمة الاستعباط






مش دي اللي قلت في نفسك شريكة الحياة ومتمسك بيها لاخر نفس






واهلك طايرين بيها






هتقولي بقى الماليات والحورات دي هقولك معلش بقى






انت اللي مبتعرفش تتواصل ودي غلطتك من الاول


لان دي المفروض بتتفق عليها قبل ما تلبسها دبلتك وتحط دبلتها في صباعك



ليه بتعمل كدة دلوقتي



مفكرتش في مشاعر البنت دي


اللي مضطرة غصب عنها تسكت لانها اكيد مش هتجري وراك



مفكرتش انها اكيد هيتقدملها بعديك كتير



واكيد هي هتكسل تقعد وتعيد كل الفترة دي تاني من حياتها


انا مش بقول الكلمة دي غلاسة


بس لما بلاقي في الاسبوع فوق ال 10 بنات مفسوخ خطوبتهم
لاسباب مجهولة او اسباب



مزيفة يبقى لازم اتساءل


حق البنات ده ليه بيضيع

وانت ياراجل يا ملو هدومك يا زينة الشباب ليه بتعمل كدة .. ؟؟؟!!!


حاجة فقعاني وخنقاني بس كان لازم اقولها


يا رجالة يا محترمين ويا معشر الملتزمين وغيرهم


فكروا شوية البنات دول مش جرادل


دول احاسيس ومشاعر


واكيد انت مش اخر راجل في الدنيا ومش هتوقف حياتها عليك



بس خسارة الوقت اللي ضيعته مع شخص كانت متخيله

انه بيهتم بيها

بجد خسارة ..


وانت بقى لو انت ظالمها



يبقى استنى عقاب شديد من ربنا


واحذر من المظلوم سهماً صائباً واعلم بأن دعاؤه لا يحجب



الكلام ده موجه للجنسين طبعا



بس اخص بالذكر الرجال


وجزاااااااااااااااكم الله خيرا









هناك ٧ تعليقات:

غير معرف يقول...

ابنتي كاتبة هذا الموضوع اسمحي لي ان اوجه لك عميق الشكر والامتنان على ما لمسته من اخلاص وموضوعية ودقة واحب ان انصح لبناتنا واولادنا ان ينتهجو نهج الشرع الشريف في الخطبة والزواج حتى تختفي ما اسميته ظاهرة او موضة واقصد ان يبدء كل منهما فيحسن اختيار الاخر على معيار الدين والخلق معا وليس واحدا منهما دون الاخر حتى تختفي هذه الظاهرة المرضية لان من يتمتع بهاتين الصفتين يستحيل عليه ان ينهي الخطبة او الارتباط بهذه الطريقة الكريهة والتي تنطوي على ظلم بين للطرف الآخر وليصبر وليحتسب من وقع له مثل هذا الامر وليوقن ان الله عز وجل لن يضيع عمله الصالح سدى وحسبنا الله ونعم الوكيل

أندلس يقول...

مش عارفة أرد عليك الحقيقة
وما أنكرش اني أول مرة اقرا الصورة من الوجهة دي
عادة بحس من اللي حواليا ان البنات هما الي بيسيبوا
بس بصراحة انا شايفة اننا نشكر الولاد انهم بيعملوا كدة في الخطوبة ويفسخوها
بدل ما يشححطها معاه وتربيه بقى لحد أما يبقى راجل كدة
يا يطلقها وتسيب بيت بيت أبوها واحدة ترجع واحد ونص
وبس

يقول أنى امرأة يقول...

متزعليش نفسك
انت ممكن تكونى بس علشان شفتى كذا واحدة من اخواتك كدة علشان كدة انت زعلانة
بس لو شفتى الموضوع من زاوية ان حتى لو كان الولد هو الى وحش و معندوش دم ففى الاخر البنت هى الى كسبانة علشان ممتزوجش واحد كدة
و اظن ان دة اهمية فترة الخطوبة ان الناس تعرف بعضها كويس و الاهم ان البنت تكون عارفة ان مش مهم اكون مخطوبة و فشكلت احسن ما اتزوج و فى الاخر ارجع مطلقة للاسباب واضحة كانت المفروض تكون باينة اوى من ايام الخطوبة

متزعليش نفسك الناس بتفسخ الخطوبة علشان مش مكتوبلهم انهم يتزوجو بعض
محدش فى الاخر بيتجوز غير زوجة الى مكتوبلة

محمد هيكل يقول...

اظن السبب فى مجتمع الملتزمين نفسه انه لا يوفر بيئه للتعامل بين الأسر بعضها بعض فيبدأ الولد او البنت يتعرف على الطرف الأخر ويتعرف على اسرتها او اسرته ويشوفها وتشوفه فى حالات كثير علشان تقدر او يقدر يقيم الطرف الأخر تقييم حقيقى خارج عن نطاق التجمل بتاع فتره الخطوبه

طبيعى واحد داخل بيت علشان عرف ان البنت كويسه واهلها ناس كويسين
وكويسين بالمعنى الشامل يعنى ملتزمين وذوى اخلاق
بس دا مش معناه انهم ينفعوا لبعض
القصه مش قصه تدين واخلاق وخلاص
ممكن اثنين متدنين واخلاق بس واحد مثلا شخصيه عمليه بزياده واهله مثلا مش اجتماعيين اوى بس متدين واخلاق
ميركبش على واحده واهلها ال اجتماعيين جدا مثلا

بس كدا

وليد يقول...

السلام عليكم كل سنة وحضرتك طيبة فى الاول وتقبل الله منك صالح الاعمال دى اول مرة اعدى على مدونتك الجميلة ربنا يجعلها فى ميزان حسناتك ان شاء الله
الموضوع الى اتكلمتى فيه واقع فعلا وشكرا لاقتحامك اياه اول شى احنا ميزنا ربنا عن اقى الناس او بمعنى اصح احنا ميزنا نفسنا بالتزمنا وباخلاقنا الاسلامية عن الناس فمش من المعقول افعالنا وتصرفتنا تفضل زى الاخرين انا متفق معاكى فى كل ما قلتيه وربنا يبارك فيكى

[بقلوب صادقة يملؤها الحب والوفاء بقلوب يملؤها حب الله تعالى ,,

بقلوب تسكنها الفطرة الربانيه ,,

بقلوب يحركها شوق الطاعه
بقلوب مفعمة بالفخر والاعتزاز يسر نا جمعيا وبكل معاني الحب والتقدير ان ندعوكم لمشاركتنا حلمنا بانشاء رابطة تضمنا جميعا فى رحاب الله رابطة هويتى اسلامية فكم يسعدنا تشريفكم لنا بالانضمام وكلنا امل لله عزوجل ان نكون عند حسن ظنكم وتقبلوا تحية اسرة رابطة هويتى اسلامية
http://hawetyhawety.blogspot.com/

غير معرف يقول...

مساء الفل يا أسطى قصدى يا مان
ليلتك ألسطه وقشطه كمان
يا تمشى يا تقعد وجابلك جنان
ايه اللى جايبك تبيع الحنان
عامل فيها عنتر ونجم الزمان
ولابس بدله ورابط حزام
وريحتك غريبه روح أوام
وانسى الخطوبه أحسن تنام
وتآخد منوم هاتبقى تمام
وأحسن تفكر تطير حمام
هس خالص لسانك مش لسان
دا مبرد ومبرى يكسر سنان
مالك شايفه نفسك يا حبة لبان
ماسخه وبايخه وسايقه الجنان
فوقى يا بايره فين اللجام
أجابلك مرايه تشوفى النظام
صحبى نصحنى وقلت حرام
أكسر بخاطرك وتبقى مدام
وبعد اللى شوفته بقولك سلام
ودى كات نهاية بداية جواز
خلصت بسرعه وفاز اللى فاز
عريس بيهرب وينسى إنه عاز
ويقول دى جوازه زفت وجاز
طلعت مريضه بتآكل إزاز
ترد العروسه وعايزه النهايه
طلعت تجرى تشوف المرايا
شكت يا عينى هاتعمل جنايه
ورديت بسرعه فكر فى دايه
وابعد بعيد دا مش هوايا
رد بهدوء وكله اعتزاز
أنا ياما كان صحابى لذاذ
شوشو ودودو وفيفى وشيناز
رقة وحلاوه معاهم جهاز
وكنت البريمو وكله فى الإنجاز
ضحكت وقالت يا صحب الصرايا
أنا ياما حفيم وجريم ورايا
حماده وإيهاب وعلى فى العنايه
شياكه وألاطه وأجمل حكايه
يصرف دم قلبه لو كان معايا
وقام الخفيف يسك الزرار
ويمسح فى عرقه بعد المرار
وشال الهديه وعينه شرار
وقال لازم آخد لنفسى التار
وقامت هى تكلم إيهاب
تقوله تعالى طردت الغراب
فرد عليها بأصعب عتاب
آسف ياروحى قطعت الجواب
عريسك دا لقطه وزين الشباب
أضحك وأقول لكل اللى دار
أعقل وفكر حصانك حمار
ما يعرف يعدى أصغر جدار
وديما بياخد أسرع قرار
وفاكر جنابه ليله نهار
صحبى العريس شاف الحساب
بعد اللطافه وأكل الكباب
وأختى العروسه شافت عقاب
ندل وجبان ما يسوى التراب
ودى كات حكايه علاقة السراب

أبو صلاح

Nesreen Ali يقول...

جزاكي الله خيراوبجد والله معاكي حق جددددااااااااااااا لان الاستهتار بالمشاعر الانسانية اصبح سمة العصر واتفق معاكي في ان دي حاجة تفلق وتغيظ جدا ... بس بجد انت جميلة وزي الشربات
السلام عليكم